БАРИЛГЫН ҮЙЛ АЖИЛЛАГААНЫ ТУСГАЙ ЗӨВШӨӨРЛИЙН ШИНЭ СУУРЬ НӨХЦӨЛ, ШААРДЛАГЫН ДАГУУ ХҮСЭЛТ ХҮЛЭЭН АВЧ ЭХЭЛЛЭЭ

         ХББОС сайдын 2025.02.10-ны өдрийн “Барилгын үйл ажиллагааны тусгай зөвшөөрлийн нөхцөл, шаардлага батлах тухай” 36 дугаар тушаалаар батлагдсан барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж түүний эд ангийн үйлдвэрлэл, угсралт, засвар үйлчилгээний тусгай зөвшөөрлийн нөхцөл, шаардлагыг хөнгөвчлөн баталсны дагуу 2025.02.25-ны өдрөөс Барилгын үйл ажиллагааны тусгай зөвшөөрлийн шинэ суурь нөхцөл, шаардлагын дагуу программын хөгжүүлэлт тохиргоог Барилгын Хөгжлийн Төв ТӨҮГ-тэй хамтран хийж 2025.02.25-ны өдрөөс хүсэлтийг хүлээн авч эхэллээ.
Барилгын үйл ажиллагааны тусгай зөвшөөрлийн шинэ суурь нөхцөл, шаардлага нь ийнхүү хөнгөвчлөгдсөн батлагдсан байна. Тухайлбал:
✅Зураг төсөл боловсруулах 28 заалтын хүрээнд тусгай зөвшөөрөл олгохоор болсон.
✅ Барилгын 18 заалтын хүрээнд тусгай зөвшөөрөл олгохоор болсон.
✅ Өргөх байгууламжийн ажлын хүрээнд 4 заалтын хүрээнд тусгай зөвшөөрөл олгохоор болсон.
✅ Нийгмийн даатгал шаардахгүй болсон.
✅ Салбарын зөвлөх, тэргүүлэх зэрэгтэй инженер нь 4 байгууллагад, Салбарын мэргэшсэн инженер, архитектор нь 2 байгууллагад бүртгүүлэх боломжтой болсон.
✅ Хос мэргэжилтэй салбарын инженер, техникийн ажилтан нь тухайн мэргэжил тус бүрээр өөр өөр байгууллагуудад бүртгэлтэй байж болно.
✅ Бусад салбарын зөвлөх, мэргэшсэн зэрэгтэй инженерийн баримт бичгийг барилгын салбарын зөвлөх зэрэгт дүйцүүлэн тооцно.
✅ ИТА шилжилт хөдөлгөөн хийсэн тохиолдолд 90 хоногийн дотор нөхөж бүртгүүлэх,
✅ Компаниудын нэгдэл буюу групп компанид тусгай зөвшөөрөл олгохоор болсон.
✅ ХАБЭА нь инженер техникийн болон эрүүл ахуйн боловсролтой мэргэшсэн ажилтан байхаар өөрчилсөн.
✅ Дунд төвөгшилтэй буюу ЗТ-3, БА-3, ӨБ-3-тай заалтуудыг өндөр төвөгшилтэй буюу ЗТ-4, БА-4, ӨБ-4-тэй заалттай адил буюу өндөр төвөгшилтэй барилга байгууламжид хамааруулсан.
✅ Өмнөх суурь нөхцөл шаардлагад заасан ИТА-ын тоо, ажлын туршлагыг багасгасан.
✅Тусгай зөвшөөрлийн гэрчилгээг цахимаар буюу QR кодтой олгохоор болсон.
✅Тусгай зөвшөөрөл эзэмшигчтэй гэрээг цахимаар буюу тоон гарын үсэг ашиглан хийгдэхээр боллоо