ХҮНИЙ ЭРХИЙН ҮНДЭСНИЙ КОМИСС БОЛОН АВЛИГАТАЙ ТЭМЦЭХ ГАЗРААС ЗОХИОН БАЙГУУЛСАН “ХҮНИЙ ЭРХЭД СУУРИЛСАН ХАНДЛАГА, АВЛИГААС УРЬДЧИЛАН СЭРГИЙЛЭХ” СЭДЭВТ БАТЛАН ХАМГААЛАХ САЛБАРЫН УДИРДАХ БҮРЭЛДЭХҮҮНИЙ СУРГАЛТАД ХАМРАГДЛАА.

             Батлан хамгаалах салбар,  Зэвсэгт хүчний удирдах албан тушаалтнуудын хүний эрхийн мэдлэг, ойлголтыг бэхжүүлж, үйл ажиллагаандаа хүний эрхийг дээдэлсэн харилцаа, хандлагыг  төлөвшүүлэхэд  дэмжлэг  үзүүлэх,  авлига  албан  тушаалын гэмт хэргээс урьдчилан сэргийлэх зорилгоор ”Хүний  эрхэд  суурилсан  хандлага,  авлига  албан  тушаалын  гэмт хэргээс урьдчилан сэргийлэх нь” сэдэвт сургалтыг Батлан хамгаалах яамнаас Хүний эрхийн үндэсний комисстой хамтран зохион байгууллаа. Уг сургалтад Батлан хамгаалах яам, ЗХЖШ-ын газар, хэлтэс, харьяа байгууллагын удирдлагууд, мөн аймаг,  нийслэл,  дүүргийн ЗДТГ-ын Цэргийн штабын дарга, Зэвсэгт хүчний нэгтгэл, анги салбарын захирагч нар оролцож, дээрх сэдвийн хүрээнд мэдлэгээ бататгалаа.