БАТЛАН ХАМГААЛАХ САЛБАРЫН ХЭМЖЭЭНД ИРГЭД, АЛБА ХААГЧДААС ИРҮҮЛСЭН ӨРГӨДӨЛ ГОМДЛЫГ 98,7 ХУВЬТАЙ ШИЙДВЭРЛЭЛЭЭ

Батлан хамгаалах салбарын хэмжээнд 2024 онд иргэд, алба хаагчдаас нийт 7,887 өргөдөл, гомдол ирснээс 7,788 өргөдлийг хуулийн хугацаанд нь шийдвэрлэж, хэрэгжилт 98.7 хувьтай байна. Өргөдлийг агуулгаар нь ангилбал:

Нийгмийн хамгааллын асуудлаар 3,743 буюу 47,5 хувь;
Ажлын байртай холбоотой асуудлаар 2,796 буюу 35,4 хувь;
Гадаад, дотоодын их, дээд сургууль, академи, дамжааны сонгон шалгаруулалтад хамрагдах болон суралцахыг хүссэн асуудлаар 378 буюу 4,8 хувь;
Бусад 970 буюу 12,3 хувийг тус тус эзэлж байна.
Ирүүлсэн өргөдөл, гомдол, санал, хүсэлтийн дийлэнх буюу 82,9 хувийг цэргийн алба хаагчид, цэргийн тэтгэвэр тогтоолгосон бэлтгэл болон чөлөөнд байгаа иргэд, одоо ажиллаж байгаа ажилтан, алба хаагчдаас ирүүлсэн ажлын байр, нийгмийн хамгааллын асуудлаар хандсан өргөдөл эзэлж байна.